Moto châta thatipha cha ‘ Dyhna Beipa” avawpina thati he acha. Lialaipi liata Dyhna Beipa thatipha bie avaw tlô kheitua chaipa zycha eima missionary RA Lorrain Cross Pheisai Rev. Hiesa nata Seilai zy ama cha. Cross Pheisai zy Zisu thatipha ama rei tuana su he Lialaipi su pathaipa, Lialaipi Bethlehem hawta paloru râh liata mia avaw hria pathao haw.
Lialaipi liata Zisu thatipha bie ama phuatuana su he Lialaipi liata Zisu avawpina su hawta pachâ pata atako Christmas programe cha thatipha bie phuatuana su lia cheingei ta ahmapa acha. Zisu he eima khi nata râh nata chhôkha nata chipho nata vai nata tlâ chyuto liata vaw pi ba sala, he zydua avaw châ thei nawpata na nata kei hro liata Zisu papi cheingei ba su vy.
Eima hro lia apipa Zisu cha ary leipa zydua aryna miataopa awta, mia apary khai aw, eima hro liata tlâ asa pazy mia pahnaipa awta, saikao zydua mia apabie awta, eima hro lia apipa aypa Zisu ta Khazopa Paw palô apatlâh aw, Abeipa ta abie byhna miapie mawsy. AMEN.
Apalâhahna: He cha nata Nothlahpazy he Dr. Sasa ta Yangon Mara Facebook liata aropa tawta la pachhuapa acha.