Rev. Dr. Vazilai rohpa khizaw liata eima y chhôh zydua eima chakaona khitlyna liata eima ngiapâna hmâ thai awpa a byuh zie a rohpa he vaw moh mah y. Facebook liata rohpa la pachhuahpa a châ.
Pachuna nata ngiapâtuhpa hrona liata pachâ awpa zy
- Video hnei lei awpa pachuna hlâta video hneina dâh nata hmâ thaina pachu awpa (Video ta chyhsâ paraona tlô khei thei ta, hlupi mia pachu thei hra)
- Phone Handset hnei lei awpa pachuna hlâta phone hmâ thaina pachu awpa (Phone tawhta moleina hlupi tlô khei thei tlôh ta, a phana hlupi a y hra)
- Khizaw pua sai awpa hlâta khizaw chakao thaina pachu awpa (Khizaw he eima chakaona nata raihriana su châ tlôh ta, khizaw ta mia pahaopa a y hra)
- Khizaw a hao awpa hlâta khizaw nata a viasâ thaina, a kao thaina pachu awpa (Khizaw hmo zydua he a yzie hawhta hmâ awpa châ tlôh ta, khizaw zydua he chhie khai tlôh leipa ta)
- Mission chakaopa ta eima chipho leidia pâ awpa hlâta chipho a bohpa ta mission chakaona tei thai awpa (Chipho zydua he Khazohpa paduapa ta a pyhpa châ tlôh ta)
- Phohro (Culture) nata reihchâ (Literature) paraopa ta thâtihpha reipa hlâta eima chipho hro hneipa pabohsana chô ta thâtihpha zy rei thaina pachu awpa ( Eima chipho he Khazohpa paduapa châ tlôh ta)
- Eima chipho hrona he thailei pachâsa awpa hlâta chipho yzie hry liata Khazohpa a phualuahpa tlua thaina nata pahno thaina pachu awpa (Khazohpa he eima history nata chipho liata a phualuah tlôh ta)
- Tâkâ soh he moleina papoh sa thei kawpa châta Tâkâ a hao awpa ta pachupa hlâta Tâkâ chô liata palôh phao dopa hnei thaina nata hmâ thaina pachu awpa (Tâkâ hmôna tao kha tah awpa châ tlôh leipa ta)
- Thyutliapa he vâiapa (kyhpachâpa/tuhpa) hnei lei awpa ta pachuna hlâta Khazohpa khoh zie hawhta vâia hneina dâh dopa pachu awpa (Kyhpachâna ta Krizyhpa chhôhkha padua awpa he Khazohpa khohpa nata pachuna châ tlôh ta)
He hawpa achu awpa zy he achuna camp tao thei a chhuah sila achu awpa a chhuah lymâ awpa a pha hmeiseih! Achu awpa he hlu ngasâ tlôh ta, khizaw eima pahniena nata eima tiana awpa châ hâ tlôh ta
Khazohpa ta eima ngiapâna hmâ thaina châta byhnâ pie mawh sy!