Khizaw liata Mei-o hawhta Khaina
Rev. Vazilai (LTC)

Biehmiapa

Khazohpa moh ta nama zydua atlana bie ei cha rei eih. Khazohpa ta cha hrobie ei sala cha chhitha pha mawh ei sy! Tamy ta eima pachâ awpa he Philipi 2:12-30 taih ta a cha aw. Philipi bo 2:1-11 taih he eima chu hawpa kha châta, Zisu Krista apanawhna nata â panawhpa nata reingiapa ta a ypa vata Moh zydua liata moh chônôchaipa  “Zisu Krista cha Abeipa a châna/ atona” kyh nata “Reingaina nata apanawna hro hnei awpa kyh” Rev. Dr. Vakô ta mia a pachu haw. Tamy cha Bo. 2: 12-30 taih he eima chu awpa achâ.

He bietlâh zy liata kaono (2) ta a pachhaipa a châ. 2:12-18 taih nata Bo 2:19-30 taihta châta, 2:12-18 taih he “Khizaw liata Mei-o hawhta Khaina” kyh a rei. Cha liata tao awpa nata tao lei awpa a rei pasia. Bo 2:19-30 taih he “Timawhthy nata Epaphrodita tuana kyh” a rei. Paul, Timothy, and Epaphroditus nata Awnanopa sahlao zy azaona kyh, ama kyyhpachâna kyh a la.

Bo. 2:12-18 taih ta ei vaw rei tua aw. (Biehrai rei awpa)

He biechhoh eima moh tita Khazohpa atotaotheina kao nata Chyhsapa taovyu kaono ta a ypa ta eima hmo. Namo pachhana chata hria teh u tahpa kyh liata thokha zy ta Khazohpa kaolahpa dei he rei eihta chyhsalapa kao he ama siesai haw tyh. Thokha hei ta Chyhsapa taovyu kao rei eih ta Khazohpa hmôtaona he ama padia haw hei. (He bietlah liata Biehraithaipa Augustine vs. Pelagius, Erasmus vs. Luther, Beza vs. The Remonstrants, Whitfield vs. Wesley) zy ama laoleina eima hmo.

He ama laoleina vata ma pachuna, ama ei-chhiana he tahma taihta awnanopa liata a chahry lymâ. Pawla ta pachhai awpa he a khohpa cha vei. He sano he asie pabao awpa ta arei khohpa a châ. Khazohpa hmotaotheina nata chyhsapa chakaona tiamana he asie pabao awpa a rei khoh tahpa ta Robertson ta a reih.

2:12 Pathao liata “Bie nama zy tyhpa hawhta” tahpa ta pathao ta Reingiapa nama y tyhpa kha tahpa Zisu Krista reingiana panawhna vata reingiapa ta ama y tyhpa kha ady chakhipa,atlychaahpa a cha.

Tlâh 14-16) tai he nohto hro liata eima hmâ awpa (Practical ways) he Pawla ta a pachu ei. Mia a pachu hra. Chazy eima mo tita tao awpa nata tao lei awpa y ta : chazy cha:

Tao awpa:

1. Ei y no dei ta hriapa cha leipa ta y vei no ta tlao hria via awpa ( Ethic = Hrozie kyh a rei) = Hiaphiana hnei lei awpa= tiama lyma ta ngachhih awpa
2. Namo pachhana chata hria teh u- (Vs.12): Chyhsa hriana ta pachha châ awpa hlata Krista pathaopa ahly kheina raihria a cha. Namo amopa ta hria the-u, Chyhsa moleina molei awpa
3. Chipa nata chalyupa ta hria awpa (Papeimawhsa kawpa ta tao awpa) he chakaona he Khazohpa tawhta athao aw. Khazohpa pachhana he khoh ta Khazohpa chizana pahlei hawpa he peimawh kawpa ta a pachâ. Moleina tao awpa he chi awpa, Khazohpa he hmiapasa, chiza awpa
4. Khazohpa alyna tluana liata tiama ta tei lylia awpa.
5. Seina hneleipa ta tao awpa: Pasipakaopa ta tao awpa a mohphaopa ta (TAWACHEI) ta hria awpa cha vei.
6. Khizaw pakhaisatuhpa cha awpa:

– Khaina ta asiapa ta mia pahmosa.
– Khaina ta mia chhitha
– Khaina ta mia chhopasia thei.
– Khaina ta zona a pahlei
– Khaina nata hmo yzie apalasa khai
– Khaina ta palyupalina  atao papua.

7. Aly khei chyu awpa, Thapatlona bie a rei. Alyna he rietheina liata a y zie mia a chho. Alyna he Krista lia a pahnie aw. Chhaichhih nata hmodah liata cha  aw vei.                           
   

Hmopha hria pathaotuhpa he Khazohpa a cha. Chavata keimo chhao hmophapa eima tao awpa a cha. Krista eima chhôh liata pahra tlô ta. (Spurgeon).

Eima pachhana nata Krista eima chhôh lia a pahra tlô khiata cha, eima hmotaopa khochhih leipa he pahlei ta pathlai ta Khazohpa khohpa tao awpa a cha. He hawhta Khazohpa khohpa taona he Khazohpa ta pathao ta keimo chhao paha khei kawpa ta a ngiachhiena vata eima tao awpa, eima taopa vata alyna eima to awpa Pawla ta mia a pachu.

Tao lei awpa

1. Hiaphia awpa cha vei. ACHHUANG KHO= Thathi awpa cha vei.
2. Dyutlai leipa hmo nata moleina aheisai awpa
3. Paphona nata a-eina hnei leipa ( Isreal saw zy paphao palaona kha Pawla ta a pahnopa vata. Spurgeon ta pakhopa nata sâthoh ta a rei.

• Khazohpa mohona kyh liata paphona
• Pakhanata pakha likaw- akaona amohona kyh liata
• Khizaw hmô zy vata

4. Khapa hrao leipa he tao lei awpa (ara pasua leipa, hriapasa leipa) Eima hriapasana he hrao leipa a cha lei zi a rei.

Bo 2:19-30 taih he Timawhthy nata Epaphrodita tuana kyh a rei Paul, Timothy, and Epaphroditus akaona, Awnanopa sahlao chhao ta ama kaopha awpa kyh a rei

1. Timawthy tua awpa liata Timawthy phana kyh nata Timawthy deichhy awpa kyh a rei. Timawthy ngachhihna a palasa hra. Timawthy dei chaleipa ta Ano popa chhao atlô khona ky rei ta
2. Epaphrodita atua awpa kyh rei hrata, ama kaona kathu zie a rei. Epaphroditua he Pawla lo-o liata a y no ta avaituhpa Phlipi Awnanopa ta ama tuapa, ama hmâpa a châ.                            
   

Epaphrodita tua awpa a byu zie a palasa. Ano he Philipi awnanopa ta Pawla la vaw tua ta Pawla hno y ta tla leipa ta a y. Epaphrodita vata ano aly awpa, amo ama ly awpa, ama pythoh ta a phahnai zie a palasa. Atla leina liata palôh rietheina kyh a palasa. Tla leina tawhta atlapa he Krista vata achana nata aly khei awpa a cha zie palasa. Tlaleina he anaopa a cha lei zie a la. He sahlao sâthoh ama kaona he Awnanopa ta eima hne awpa a kaona a châ.

Ama deichhypha awpa he a khopasana arei: Thina daimana taihta Khazohpa a chakaona vata ama dei chhy awpa, Ama likaw liata a khokheina, adeichhyhna, aryhna a y awpa zy mia  apachu.

He liata chyhsa hropa hawkho lapa tlaichhai leipa ta nama pahno chiehpa nama chhituhpa zy he nama deichhy awpa nata nama kaopha awpa tahpa he eima chu chai awpa a cha. Unawh hawhta akaona hnei awpa phata cha liata alyna a y zie he Pawla mia pachupa a châ.

Biepachhana

Philipi bô. 2:12-30 chhôh liata eima chu awpa cha: Khizaw pakhaisatuhpa eima cha: Khizaw pakhaisana he Khazohpa ngiachhiena ta eima topa chakaona raihria a châ. He chakaona raihria he Khazohpa tawhta eima taovyu eima topa a châpa vata  aly awpa, nata tiama awpa

Khizaw pakhaisana raihria liata, tao awpa nata tao lei awpa pahnopasia ta a sosi lyma awpa

Eima chhituhpa zy deichhyhpa ta azaona nata akaona phapa hnei awpa, tao awpa

He hawhpa chakaona zydua he Khazohpa ta pathao ta keimo ta eima tiama awpa, eima hria awpa, khizaw liata mei-o hawhta eima khai awpa a châ. Khazohpa ngiachhiena nata pachhana eima tlaichhaipa hawhta Khazohpa chizana, palyupalina he tei awpa zy a cha.

Khazohpa ta byhna pie mawh sy!