Nov. 25, 2017 Saturday ta MEC Assembly ta Rev. Wolfgang (Mekhong Mission Forum) nata Ms. Mariane & Mr. Mathiu (Mission East) nawhzy chata Fellowship Dinner a tao.

Cha Fellowship Dinner ahlao theipa zydua mo 147 ama pha. Local church 38 tawhta Awnano macha zy, pastor zy, Lialaipi liata sawkha tawhta molaipa mo 19zy nata HEalth and Hope, Myanmar, nata Togather Sustainable Development tawhta hriatuhpazy chhao ta ama cha. Cha liata taona chhapa cha eima râh châta rietheina papeisa leipa ta ahria ngâpa Mekhong Mission Forum nata Mission East nawhzy châta thlachhana hneina awpa ta a cha.

He Service liata Rev. Dr. Zo Dong ta chair la ta, daihti pathaona châta Rev. Sitlô ta thlachhana ahnei. Rev. Victor Ve-u ta chyhsa hmia pahnosana hnei ta, Rev. Dr. L.B. Siama ta welcoming speech nata word of thanks reina a hnei. Khichhai laipa zy châta Rev. Satu Veu ta special thlachhana ahnei.

Rev. Wolfgang he Germany râh tawhta Malaysia lâta missionary a chakao haipa a cha. Ano he MFF program ta Lialaipi liata MEC châta Seminar on Worship and Liturgy tahpa maniah ahneikheipa a cha. Cha liata pastorzy mo 38 nata local tota Awnano chhituhpa Hyutuhpa nata secretary zy mo 58 ama vaw tlô. Ama pahasa kaw.

Mission East tawhta Ms. Mariane nata Mr. Mathieu he Mara râh liata lyutaona nata chicheina sukha liata kôhluhpi hmâtheina pachuna ama hnei awpa vata tâka nata azaopa sôh avaona dâh avaw pachupa ama cha. He Fellowship Dinner he Mara râh liata Program pha ngasapa acha aw tahpat ama reih hôlô. Abeipa ta cha a reituhpa zydua hnota byhna chapie mawh ei sy.