Krista châta hrona
(Phil 1:21b)
Rev. Dr. Vakô

Abeipa Zisu  rei leipa ta, Biehrai thiehpa liata moh alâ chaipa cha lyuhchâpa Pawla moh a cha. A moh deita alâ leipa ta, a theology chhao âlâ kaw hra. A theology he Biehrai thiehpa châbu rohtuhpa hluhvia pachâna khu thei ta, pachutuh pakheipa tahpa ta a awpa, lyuhchâpa Zami chhao tlai Pawla theology he abuabâ khei kaw hra. Biehrai thiehpa liata châbu 27 y ta, chazy hryta Pawla ropa sai ta, bu 14 a pha ha tawhta cha, cha hawhta a châ awpa rai a cha thlah haw.

Pawla ta, châna nanopa, kao hluhpi tawhta châ a roh tyh. A ropa châbuzy hry ta alyna châ zy, a ngiachhina châ zy, thapasana châ zy, reithaina châ zy, a khokheina châ zy ta tahpa ta, a pho pho ta a y. Chazy hry liata Philipimozy hnohta aropa hecha thâtihpha vâta Lô-o â tâhna su tawhta a ropa a cha. Thokha ta he châ he Rawma Lô-o liata atâhna daihti, Lô-o tawhta a vaw pua aw ma, cha leipa ta he â tâhna he ano chhâna daihti ma a châ aw tahpa a pahno leina daihti ta a ropa a châ ama tah. Lyuh châpa Pawla cha ropazy hryta Philipimozy hnohta a paphaopa châ he Krizypazy hrozi châna chhopasiana châta a pha chaipa nata rei khoh achhih chaipa chhao a cha.

Philipimozy 1:21 liata ropa Pawla theology he Biehrai thiehpa chhôhchaipa hawhta pachâpa a cha. Achhâpa cha Krizypahrona nata thina yzi chhopasiana tluta a chapa vata a cha. Chahrasala he bietlâh rei tita, thokha cha Krista hawhta hrona kyh reina hlâta thi khai tawhta eima châ n’aw kyh lâta rei ama pahâh via. Krizyhpa châta cha thi nata hro he Krista tlai cha châ ta, anodeikua Zisu eima ngiapâna cha hro noh chhôh, ano hawhta chakaona rai hriapazina he eima tei chaipa rai a cha. Chavata Lorrain Theological College ta âtakô chhôh bietlah pipa ta eima châhkhei awpa cha “Krista châta hrona” tahpa a cha.

“Krista liata hrona””Krista châta hrona” tahpazy  he Krista vâta, Krista liata, Krista tawhta, nata Krista chhôh liata hrona tahna a cha. Pawla ta “Hro he Krista a cha” a tahpa he ano hrona thaona kyh reih vei. Ano hrona hnawh, a hrona chhôhchaipa, ano byuhpa zydua nata a hro chhâna zydua cha Zisu tlai he a cha a tahna a cha. Zisu Krista cha Krizypazy eima teipa hrona, cha hrona cha Pawla deita ta  a teipa cha leipa ta, ano hawhta Zisu ngiapâtuhpa zydua hrona chhôhchaipa a cha awpa kyh a vaw palâsa. He hro he Krizypa hrona hmeiseihpa nata châna hmeiseihpa tlai cha a cha. Krista châta hrona eima tah nata eima pachâ via awpazy cha ary lâ  hawhta a cha.

1. Krizypazy hrona cha Zisu Krista hrona a châ tahpa a palâsa. Krizypa hro tahna cha Krista lyuna hro a cha. Zisu ta ano hnoh zi awpa ta maniah aw ta, ano hawhta hro hra awpa ta awpa eima châzi a palasa. Lyuhchâpa Pawla ta thapasa ngaitapa ta a reipa hrona cha: Krizypa hrona cha Krista liata pipathina tawhta pathao awpa a byuh ta, cha pipathina chata sapa hrozi sisaipa ta, Krista hnoh zi awpa ta maniah pachu ta, mo hropazy châta hrona hmeiseihpa nata châna hmeiseihpa tlai cha a cha. Krista châta hrona eima tah nata eima pachâ via awpazy cha ary lâ  hawhta a cha.
2. Krizypazy hrona cha Zisu Krista hrona a châ tahpa a palâsa. Krizypa hro tahna cha Krista lyuna hro a cha. Zisu ta ano hnoh zi awpa ta maniah aw ta, ano hawhta hro hra awpa ta awpa eima châzi a palasa. Lyuhchâpa Pawla ta thapasa ngaitapa ta a reipa hrona cha: Krizypa hrona cha Krista liata pipathina tawhta pathao awpa a byuh ta, cha pipathina chata sapa hrozi sisaipa ta, Krista hnoh zi awpa ta maniah pachu ta, mo hropazy châta hro apie ta, thina taih chhao, ano ngiapâna liata ngâchhih kawpa ta, si awpa ta maniah pasyu heih ta, rietheina hluhpi, khizaw phasana hluhpizy hry tawhta ano thlahpa chhithana zawzi ta hrona thiehpa ta, eima hrona cha thyuheina hro a châpa ta maniah a pahmosa. Cha hawhta hrona cha vâmo hrozi châ ta, Zisu pheihni pazituhpazyhrona chhao a cha. Krista palôhphaona hrona châ ta, khizaw ta cha hrona cha pahno thei khao vei. A pachâ chhao pachâ hoh khao hra vei. Abeipa Zisu daihti Judia râh politics nata atanoh keimo chhâ politics zy he alyu vei hra ei sala, Abeipa Zisu cha ano daihti ryureituhpazy hnohta riahpha kawpa ta Khazohpa khihnarah kyh reih ta, âtanoh he democracy chhâ liata Abeipa Zisu palôhphao he eima hrona liata palâsa thei awpa a byuh.
3. Krista châta hrona cha Abeipa Zisu taozi hawhta hro awpa achazi maniah chho ta, cha hawhta eima tao thei nawpa ta, tha maniah a patlôsa hra. Krista a hro chhôh nohzy liata anua chaipa hrona kyh cha Paw Khazohpa khohpa tao awpa a cha. Paw khohpa taona vâna chata ano sapa hrona chhao rietheina hluhpi a vaw tyh. Khazohpa khohzi ta a cha thlah khiah tala, ano rietheina cha rietheina lâta châ khao vei. Cha Paw khohpa taona kyh liata Krista a vaw piena vatapatlahpa eima cha. Keimo chhao Krista hawhta hro awpa ta awpazy châ pi ta, ano zituhpazy châ awpa ta, hro awpa ta eima chhuah hrapa vâta hro rietheina liata chhao ano lâ mopa ta, asi hualuapazy cha eima cha. Cha hrona cha sasyh kyna araona hro châ ta, Krista châta hrona chhao a cha hra. Hro he Krista châ tlôh ta.
4. Krista châta hrona cha Paw Khazohpa khohzi a châpa vâta eima ngiahna maih liata hmotaotheina maniah a pie tyh. Hrona tahpa he apiealyuna châ ta, Krista châta hrona tahpa cha Krista hawhta apiealyuna tlao a cha. Krista liata hro tahna cha keimo khohpa hnoh chhy ta, Krista khohpa tao lyhliana cha vei. Cha hawhta taopa châ mawh sala, keimo thatlôna ngâpa ta Krista châta hriatuhpazy deita eima cha aw. Kraws thatihpha cha Khazohpa hmotaotheina thatihpha a cha (Rawma 1:16). Zisu kyh eima pachâna chata, ano chakaona kyh liata hmotaotheina maniah a pie tyh. Chhôhchaipa liata Krista tawhta piepa hmotaotheina hneina he Krizypazy hro lia deita ta a ypa hmo nyupa chhaichhi a cha. Krista châta hro tahna cha Krista liata eima yna tawhta Krista zawzi ta, ano ronahna châ ta chakaona eima hneina châ ta, cha hawhpa ngiapâna hro liata  eima dua nata, Lyuhchâpa Pawla hawhta “Kei hroh khao va na! keima liata a hrohpa Krista ta tlao a hroh” eima tah thei hra aw.

Hmeiseihpa tala, eima zydua ta Krista liata, Krista vâta, Krista châta chakaonazy he Krista châta hrona cha a cha. Krista châta a hrohtuhpazy châ lyma awpa ta, Abeipa ta byhna maniah pi mawh sy! Amen.