- Chin State khihpi, Hakha khih liata, Mara Evangelical Church, (MEC Local Church, Hakha) Achhyhna o sa haipa châta April 2017, Mara Biehrai Diamond Jubilee kyhchhih hlâ ta patlô awpa ama patohpatiah ngala. Ama chhuana hlao atlo thei nawpata eima thlachhana liata a thei chyu su vy.
- Australia Melbourne khihpi liata Mara Evangelical Church Mission Board tawhta Sittway Mission Compound liata O ronah kawpa sâkha ama sa ngalapa vata eima ly kaw. Ama thaza zydua pahmaopa ta Khazohpa khi na râh châta a chakaopa nama zydua chô liata Khazohpa ta byhnâ cha vao lymâ ei sala, tahpa he eima thlahchhana a châ.
- Mara Evangelical Church in America (MECA) liata aypa Local Church zydua a paraopa ta MEC Headquarters he Lailenpi liata a pha kawpa ta sa awpa, kôno chhôh ta patlô awpa ta budget ama taopa nata ama patohpatiahpa vata eima ly hmeiseih. Alyna bie eima hlâ. Khazohpa ta byhnâ châ lymâ awpa ta hrobieh via lyma ei sy! tahpa he eima thlahchhana a cha.
- MEC Maryland nata MEC Indiana cha 2017 chhôta Headquaters sana awpa budget ama raipa cha MEC Office, Lialaipi lata ama paphao haw. Abeipa ta a khi na râh châta hma via lyma mawh ei sy.
- Eima thaza zydua eima pahmao lymâ khia tala Khazohpa khinarâh he kaw via lymâ aw ta Mara râh Immanuel râh chhao angia via lymâ tlai aw.