Mara Evangelical Church cha Mission chakaona liata palôrupa tlôkhu a piepa awnanopa acha. Misssion a vaw chakao tawta kô 50 tlona Mission Golden Jubilee (1966-2016) kyhchhih chhao Abeipa ngiachhina vata chyhsa mo 3000 rachho a hlaopata Patheitla khi liata a hma hapa acha. Cha ahmana liata mission chakaona tlâ-awna hneipa châta,  cha zy cha:

1. Mission chakaona he eima khotalaina châta eimâ pôkhana a châ pyly.
2. Mission chakaona he eima paha kheichaipa châta rietheina chhao papeisaleipa ta eima y hra.
3. Mission chakaona he eima pikheihpa châta, hmiala eima tô lymâ aw. Missionary awnanopa eima châ tahpa eima phua lymâ aw.
4. Mission chakaona he eima pasâhsa chaipa châta bâleipa ta eima hria pazao lymâ aw.
5. Mission chakaona he eima lyna chaipa châta, byhnâ eima tona hnaw chhao a châ hra.
6. Chavata Krista awnanopa eima padua lymâ awpa nata Bieparisoh he Mission sôhnaw eihpa ta eima tao lymâ awpa a cha.