Awnanopa hmasiena nata pastor chakaona rai (pastoral ministry) kyhzy rei awpata ama hneityhpa Pastoral Conference cha January 25-26, 2017 noh ta Lialaipi (A) local church liata taopa acha.

Cha liata atlô theipa pastor mo 25 nata Macha 5 ama cha. Conference liata Rev. Dr. LB Siama ta keynote address reih ta, Rev. Dr. Zodau ta “MEC nata Pastor zy raihria ” issue oriented paper reina a hnei.

Pastoral meeting chhao hneipa châta cha liata agenda pha kawpazy rei pahmaopa acha. MEC pastor zy theologically, nata palôhphaozy tha a patlô ta a pohkha via nawpata 2017 tawhta “Pastors’ Refresher Course” achuna hnei awpa nata  hriatuhpazy ama pachôpa soh (PPF) cha Church Credit Fund” lâta paliepa a cha haw.

Atako 2017-18 chhôh he Pastor zydua pahly pata Bihrai, Athaona tawta Biephua tai (the whole Bible) reina hnei awpa châta, cha cha Bo nata tlâh a rai awpa a châ aw. Bo nata tlâh ama topa reina tawhta sermon mia 10 chyu rota sermon chabu (written) tao awpata parysapa cha.

MEC pastor zy chakaona liata ama hriapasa via lyma awpa nata Mara awnanopa chhao Pastor zy thlapa la, sapa la liata deichhyna phapa patosa via lyma awpata maraec.org tawta khokheina palâsapa acha. Abeipa ta Mara pastor zydua ama chakaona liata chakao khei bei ei sala mietaku vaituhphapa ama châ thei nawpata byhna pie mawh sy.