Mara Evangelical Church in America, Church Council nôpaw zy nata râhto liata a ypa MEC awnanopa zydua sai u, Ahmiatua ta Abeipa Zisu moh ta ei chânaoh ei. 2017 kôthiehpa alyna byhna cha nama chô liata Abeipa ta vaw tlôsa mawh sy.

Keima dyutlai leipa Rev. Cho U cha MECA Church Council nôpaw zyta January 1, 2017 noh ta paduapa MEC Texas awnanopa vai awpata rai napie eita, Abeipa ngiachhina vata January 13, 2017 noh ta MEC Texas lâ sie na ta, January 16, 2017 nohta ei yna su MEC Maryland lâ ei kaw lie. MEC Texas liata noh 3 y nata, ei y chhôta ei chakaona thatih tlâhpipa cha a ry liata palâsapa acha.

1. January 13 (Chutyh za) a hmana hnei.
2. January 14 noh ta Awnanopa nôpaw zy nata Apakhy thei nawpa su tluana eima hnei. Office khaw noh achâ vata eima ty theipa y vei.
3. January 14 (Pachyhnoh) za ta, a hmana hnei pita daihti achha na ta awnanopa nopaw zy nata awnanopa chhithana dah nata azaopa atyhna hneipa acha.
4. January 15 (Pahanoh) noh ta a pakhyna hneipa châta cha a pakhyna service liata Awnano Macha mo 4 chahnaona nata Khichho Macha mo 4 pa-ina ei hnei. Abeipa tlâkhai (Holy Communion) chakaona chhao hneipâpa acha.
5. January 15 (Pahanoh) za ta a hmana nata awnanopa nopaw zy nata awnanopa chhithana nata a zaopa ta a tyh chaneina eima hnei.
6. January 15, 2017 (Pananoh) noh ta a pakhyna he MEC Texas awnanopa hmiatua chai Sunday noh apakhyna acha.
7. Apakhy nawpa su Achhyna O ama hnei ma leipa vata Km. Ngodeireipaw (Ngongo paw) o liata a pakhy chypa acha. Awnanopa nopaw zyta a pakhy nawpa su tlua ngahai eita, a rypao pato thei nawpata Abeipa Zisu hnota thlachha khei chyu bei ei su vy.

MEC Texas awnanopa ody 14 pha eita Awnanopa malu 62 ama pha. Eima hma chhôta Abeipa ta aronana â palâsa hmeisei. Eima thlachhana liata MEC Texas he my kha su vy.

Awnanopa Macha ta chahnaopazy

1. Mc. Ke Lai (Htp)                 214 361 4246
2. Mc. Sang Ceu (Chairman)  469 207 2818
3. Mc. Dao Mau (Secretary)   2145172445, fc.maumau@gmail.com
4. Mc. Cho Hre (Treasurer)   4695080087

Khichho Macha ta pa-ipazy

1. Km. Sa Chei             8175006561
2. Km. Va Khe             4694279210
3. Km. Ma The            2147729600
4. Km. Lo Tla              4694326624

Auditor – Pupa Mara Laikha      4692855516

Alyna bie reina

1. Texas State, USA liata a pahrapa MEC awnanopazy vai thei awpata tlâna byhna nata daihtiphapa na pietuhpa Abeipa Zisu hnota alyna bie rei na ta, a moh cha chhazaw ta reithaipata y mawh sy.
2. MEC Texas vai thei awpata na khokheituhpa MECA Church Council nopawzy hnota alyna bie ei rei.
3. Khitlyna la siethei awpata pasaina na pietuhpa MEC Maryland awnanopa nata chhôkha nôhrapa Pino Nawlai no hnota alyna bie ei rei.

Alyna chota,

Rev. Cho U
Church Pastor
MEC Maryland