Health and Hope chhithatuhpa nata Awnano Macha Dr. Sasa cha January 14, 2017 noh ta MEC awnanopa ta Khazohpa rai a hria ngahaipa zy, hria awpata achhuanoh ngâpazy, Khazohpa bie pachu nawpata a hneipa Lorrain Theological College and Mission Study Center liata achu haipa Biehrai School hawti zy nata atyhna a hnei.
He a tyhna liata Dr. Sasa ta School hawtizy hnota palôpathyuna bie zy, thapatlôna bie zy reina hneita school hawtizy nata pachutuhpa zyta Dr. Sasa hnota thata ama ly. Dr. Sasa cha Biehrai school hawti zy hnota thapatlôna bie a reipa ngala châleipata LTC mohôhna châta MMK 500,000.00 (Lakh 5) nata computer sakha, LTC nôpawzy hnota piena hneita, a kyhpachâna zy bie ngâla châleipata hmotaona chhaota a palâsapa vata achô liata LTC mohôtuhpa zyta thata ama ly.
Dr. Sasa cha A rai chakaona nata azaopata, nata Mara khipi Lialaipa liata Vabaly field zy, 2017 Chin National Day kyhchhi Lialaipi liata taota cha liata Vice President Pu Van Thio a hlao thei nawpa khona zy nata a hro ahropa kyh peimawpazy vata biehneituhpazy a tyh awpata Nay Pyi Taw lâ a siena liata chhokha peimawna zy vata Yangon he a chapiapâpa acha.
Ary liata palâsapa zyhe Dr. Sasa hawta 2016 ko liata LTC mohona châta a piepasai theipazy moh nata ama pietheina zie palâsapa acha. LTC cha Mara awnanopa ta a hnei chhôhpa, a mohoh haipa achâ tapa pahnona chôta nama theina hawta nama deichhy chyu awpata ahawpa nama cha.
| No. | A pietuhpa moh | Pie theina zie (MMK) | Piena chhapa |
| 1. | Pino Ngotei (Australia) | 400000.00 | Student pakha chata |
| 2. | Pino Zawzaw No (Yangon) | 300000.00 | Student Pakha chata |
| 3. | Pino Hanna Lee (Korea) | 600000.00 | Student pa 2 chata |
| 4. | Pupa Nawsa Paw (Denmark) | 500000.00 | Athyuna (Chair) chalei nawpa |
| 5. | St. Kelvin (Yangon) | 100000.00 | Angiahna liata hma awpa |
| 6. | Vabei Kyhpacha | 100000.00 | – |
| 7. | Pino Neisi (America) | 100000.00 | – |
| 8. | MEC Singapore | 260000.00 | – |
| 9. | Mch. Dr. Sasa | 500000.00 & Computer sakha | – |
He hawhta LTC a vaw chahkheitheituhpazy hnohta alyna a sah chaipa ta cha hla ei nata Khazohpa ta byhna pi mawh ei sy!!!!
