Abeipa eima Khazohpa chhitha paphana byhna vata 2016 kôchhô awnanopa calendar cha hlaotlo kawpata ahma khai hapa acha. Tahma chhao he 2017 Awnanopa Calendar vaw papua heipa châta Mara Awnanopa zydua chata 2017 sie nawpa liata byhna a châ cheingei awtapa ngiapâ hnabeiseina eima hnei.

2017 kô châta papuapa awnanopa calendar cha Awnanopa noh peimawhpa zydua palâsapa achâ hlei khôta Khizawpi Nozy Noh nata Khizawpi Pawzy noh vaw pahlao pâpa acha. Mara rah chho liata he nohzy he cha-otu mah leipa achâpa chhaota Mara rah khôtho lâta a ypa Marasaw zyta he noh he pasô kawpata ama cha-o tyh vata 2017 tawta calendar liata pahlaopa acha.

He calendar liata hmapa nothlahpa he Yangon Mara Evangelical Church biatuhpa a chakao hai nota 2016 kô ta a chakaopa Khazohpa hnota a paha hawpa Rev. Va Kaw châta, a no a theithlahna, eima myleina palâsa nawpata 2017 calendar liata tawpa acha. Mara awnanopa zydua ta Rev. Va Kaw sie saipa chhokha he Abeipa hnota thla nama chhana liata nama thei lyma bei awpata zana chôta a hawpa nama cha.