Mission Golden Jubilee Thatih Chyupa

Asu     : Patheitla Local Church, MEC

Adaihti            : Di 8-12, 2016

Biepipa         : Khizaw Khaipa nama châ na (Mt. 5:14)

 

Biehmia

Zaw theihpa Vazawlau, Bus, Tibaly, Motor, Motor Bi-Cycle, Phei zy ta Nôchhi, Nôtla, Maw nata Chhô tawhta ngiapâtuhpa Awnanopa sahlao zy cha runana, rairuna hlupi sie pahlie chyupa ta Mission Golden Jubilee Pakhypi cha ama kaw hlao chyu. Tlopaki za ta apakhyna hneipa chata Mission Golden Jubilee Nohkhana he Jubilee Pahyna nata alyna bie reihna Culture Dance ta a hmâpa chata Noh-nona he Hla nata Bie ta Khazohpa reithaina eima hriapasana vata alyna bie reina ta a hmâpa chata Noh-thohna noh he Ahlâna ta a hmâpa a cha.

7Di 2016 Pakhynoh

He noh tawhta Lailenpi Local KTP sahlaozy ta khichhai a vaw tlôpazy ama dy pathao lymâ haw.

8 Di 2016 Pobiehnoh

He noh he Khichhai tlôpakinoh chata Lailenpi Local KTP sahlaozy, Pathei Local Nopawzy chhao nata Khumi tawhta Ngiapâtuhpa sahlao zy ta hawkaw liata lapa (Dance) ta ama dy pha kaw. Tlôpakiza chata Chairperson ta Rev. Pahmo nata Rev. Khaibie zy ta chakao eih ta, ama chakao pha zie he zawpi ta ama reithai kaw. Speaker chata Rev. Cecil Robert (Australia) ta Khazohpa bie rei chakaona a hnei. Jane ta alyna bie reina hneita Rev. Victor Ve-u ta chibai buna nata hmiapahnosana a hnei. Reih paliepa chata, Mara reih ta Rev. Maiki ta palie ta, Myanmar reih ta Rev. Pahmo ta a palie. Chito, photo, reih to ta, Khazohpa eima chhyna hmiatuapa a cha thlyu aw. Rev. Vazilai ta kyhchhih chhoh program yzie pahnosana a hnei.

9 Di, 2016 Chutyhnoh (Jubilee Nohkhana)

He noh he Jubilee Lobo pahyna nata Culture dance ta a hmana noh a cha.

Mydi 5:30 tawhta Jubilee daw ei sypangaw topa chata Mydi 6:7:30 ta “Kraws To Pahyna” hneipa chata, Rev. Lathai ta Chairman chakao ta Rev. Thlachhau ta a pahy. Kraws To he Ft 26 sie ta (a lapa Ft 23 a sie), Fit 2 nata khophie a kawpa chata ama bona tlâh he Khazohpa tlâh tahpa ta moh paphaopa a cha. Rev. Khaomi ta bietana pachhohpa reih ta “Zisu Kei Beipa a châna, a moh papha vana” tahpa hlasa khai ta Rev. K. Zahne ta byhna awna a hnei.

My 9am tawhta 2:00pm

My 9am ta zawpi su thohta a pahmaopa ta Meithei kah khai tawhta Jubilee Tlah- Aw Kheihpa phua lymâna cho ta Jubilee Lobo la pangai chyupa a cha. Jubilee Lobo lâta pangaina liata Flag zy chabahpa ta, nata tlâh awpa ta pangaipa chata khihpi he Jubilee ao ta a pahnie kaw. Eima lyna ao he Khazohpa ta a thei cheingei aw. Beiparisoh he Mission sohnaw a-ipa ta eima tao lymâ aw tahpa bie he ngiapâtuhpa Awnanopa sahlao zy ama ly kawna a cha.

Jubilee Lobo pahyna liata Rev. Dr. Zodau ta Chairman patuh ta, Pro Pastor Ngobeichhuah nata Pino Shwe Ni Khai zy ta Biehrai reina hnei eih ta, Rev. Satu Ve-u (Moderator, MEC), Rev. Dr. Lai-u Fachhai (Moderator, ECM) Rev. Tha Htwe ( Mro Mission) zy Lobo pahyna ama hnei. Lobo pahyna liata Biereina pachhopa he Rev. T Salaw (ES i/c E& M, ECM), Rev. Rakhai( ES i/c E & M, MEC) zy ta hnei eih ta Missionary hmiatuapazy lymâ piena hneipa chata Rev. Dr. L B Siama ta a cha kao. Dr. Sasa tawhta Khumi Biehrai he KEA sahlaozy lâta lymâ piena a hnei MEC Local Church zydua he Mara Biehrai nata Hlabu Sakha chyu piepa a châ hra. Hlapy ngiapa ta Khazohpa reithaipa zy cha ECM Jubilee Hlapy nata MEC Jubilee Hlapy 1 zy ama cha. Vaituhpa thlahchhana he Rev. Dr. Hc. Biezo ta chakao ta “Krista Pheisai sahlao” tahpa hlasa khai tawhta Rev. Haidau ta byhna awna a hnei. Lobo pahyna a chha tawhta nohthlahpa lana he hnei lymâpa a cha.

Eima paha mai kawh ta “Rev. Mathao Athei-thlahna” ta taopa thopi he a saipa ta noh charei do lymâ tyhpa a cha. “Rev. Mathao Atheih-thlahna Thopi” he Pupa Vabei Kyhpacha nata chhohkha ta a chhuahdy eih ta, he chata Rev. Chhaza ta thlahchhana a hnei.

Jubilee Nohkhana Za Ahmana 6pm tawhta 11pm

Zubili nohkhana za he Praise God through Culture (Culture dance) thaokhei ta Khazohpa palyupalina ta a hmâpa chata Mission field chyu tawhta ama Culture dance chyu ta Khazohpa ama reithai chyu. Culture dance a hmâ za ta, Chairperson chata Rev. Biehlo nata Rev Maiki zy ta chakao eih ta, biereihna pachhohpa a hneipa zy cha Rev. Vabeilua, Rev. Nokha, Rev. Reha, Dr. Sasa, Pupa Mauthieli (MEC, Australia) zy ama cha. Khazohpa he eima hry liata a phualuah tlaina tahpa he eima palei ta rei tiapa cha vei.

Di 10, 2016 Pachynoh (Jubilee Noh-nona)

He noh he Hlana ta Bie ta a hmâna hneipa chata Conference nohta raopa a cha.

Mydi 6-7:30 Thlahchhana ta a hmâpa chata Chirman chata Rev. Thavaw ta chakao ta Biehrai pachuna he Rev. Dr. Hc. Biezo ta a hnei. Thlahchhana he Rev. Dr. T. Zawsi (ECM) ta a chhitha. Hlapy ngiapa ta Khazohpa a reihthaipa cha MEC Jubilee Hlapy 2 ama cha.

10am tawhta 300pm taihta Conference ta a hmapa a cha.

Conference chhithatuhpa ta Rev. Victor Ve-u ta chakao ta Pachuna he Rev. Dr. Zodau nata Rev. Dr. L.B Siama, Mch. M. Vahnei zy ta ama hnei. Ama pachuna response he Rev. Maiki ta hnei ta zawpi reipahmaona hneipa a cha. Mission Golden Jubilee khô la tawhta chakaona thiehpa nata thaza thiehpa ta chakao lymâ awpa ta reihpa a cha. Byhna awna he Rev. D.K Hiechhai ta a hnei.

Za 6pm-11pm

Apakhyna liata Rev. Vazilai nata Pastor Phuhe ta Chairpersons chakao eih ta, Rev. Dr. Lai-u Fachhai ta thatihpha bie phuah-na a hnei. A biereihpa pha zie ta Khazohpa moh parohnahsa ta zawpi ngiapâna a palaiseih sa hmeiseih.

Za ta Hla nata Bie ta a hmâ pazao lymâpa chata, Hlapy ngiapa nata Mo pakha hlasana zy ta Khazohpa reithaipa a cha. Chairman chata Rev. Pahmo nata Rev Beilawkhai zy ta chakao eih ta, Biepachutuhpa zy cha Rev. Nokha (MEC), Rev. Vabeilua (ECM) nata Rev. Beirona (AGS, CCIM) zy ta ama chakao. Byhna awna he Rev. Sitlo ta a hnei.

11, Di 2016 Khazohpanoh (Zubilee nohthona

Jubilee Beipa Tlakhai Ahlyna nata Ahlana noh ta a hmâpa a cha.

Mydi 6-7:30am Thlahchhana

Mydi thlahchhahna ta a hmâpa chata Pino Shwe Nikhai ta chhitha ta Rev. Lachau ta Thatihpha pachuna hnei ta Thlahchhana he Rev Lathai ta a chhitha. Rari KTP ta Hlapy ta Khazohpa reithaina ama hnei.

10am tawhta 2pm taihta

Abeipa Tlakhai Jubilee Akaona Thlakhai a hlypa a cha. Apakyhna liata Chairman chata Rev. Sitlo ta chhitha ta Rev Dr. M. Zakonia ta Khazohpa Thatihpha bie phuana a hnei. Mission chakaona liata thyutlia thaisohna a hnei viapa zy peimawhna thata mia a pahmô sa. A pha eima ta kaw sai. Ls. Khin Myint Oo (LTC) tawhta Myanmar Ao rei ta Khazohpa hla a sapa he mia a pahnie kaw. Eima ly kaw. Rev Haidau ta Vaituhpa thlahchhana hnei ta Rev. Sachho ta byhna awna a hnei khaitawhta buakha Rev Mathao Athei thlahna Topi dopa chata Jubilee Beipa Tlakhai a hlyna hneipa a cha. Chakaotuhpa ta Rev. Satu Ve-u nata Baotuhpazy chata

Rev. Hrema & Rev. Khathai

Rev. Thavaw & Rev. Bukwe

Rev. Se-u & Rev. Maung San

Rev. Beirah chhh & Rev. Pyi Win

Rev. Beichhitha & Rev. Aung Than Zan

Rev. Khaomi & Rev. Sin Lone zy ama cha.

MEC Assembly nata Pakhypi zy liata Kresawti hmeiseihpa nata Viachha pha kawpa eima hma hmiatua chaipa a cha.

Za 6pm tawhta 12pm taihta

Za he a hlâna nata a pakhyna hneipa a cha. Cha liata Chairman chata Rev. Lathai nata Rev Se-u zy ta chakao eihta, Rev. Dr. LB Siama ta Khazohpa thatihpha phuah-na a hnei.

“Zisu Kyhpacha no-ah chhih azaw ngiana reithaisi” tahpa hlasapa ta zwpi a hlâna hneipa a cha. Eima hlâna daihtih liata Electric mie khawpa chata eima zydua ta Candle he pakhaipa chata Jubilee tlâh-aw kheipa chhao reina hneipa a cha. Eima palôh he thapi ta mia hria ta Jubilee kyhchhih eima patlôna climax cha eima tlô hmeiseih. Khazohpa moh he reithai viarilipa châ lymâ mawh sy! Amen. Byhna awna he Rev. Sa E Hmo ta a hnei.

Zata chareipakhyna he Rev Rakhai ta chhitha ta hla nata bie ta a hmâ pazao lymâpa a cha. Chaliata eima hlâna cha hmô theipa ta tao awpa ta Evan. Ebi ta mia pahao ta eima hneipa soh zy thyu pakhypa a cha. Eima thyu pakhypa soh cha Tei 9 hlei chata, chysia nata hmôdah hropa zy chhao ta Khazohpa lâta eima hlâ chyu.

Chareipakhy za ta a lyna bie reina he ama hnei chyu. Alyna bie areihpa zy cha Pino Sichi (Khailono) (MEC, Indianapolis, USA), Rev. Thlachhau, Rev. Reha, Mch. Robie (Dawlei), Rev Maw Thang (Lemro)zy ama cha. Hlapy nata Mo pakha hlasana zy ama hnei chyu hra. Eima zydua ta eima ly chyu awpa beiseihpa chata chha awpa chhao pasai chhih vei. Mission field chyu he Kaobie khua (9)pa Sakha chyu Presbytery No. 1 tawhta lymâ piena ama hnei. Ama ly zie he thata a cha kaw dia. Tlôhleina zydua cha khizaw a chapa vata y hrasala eima hlaotlôh kawpa ta pahnopa a cha.

Tlâzawna eima hneipazy

1. Mission Golden Jubilee Souvenir nata MEC Jubilee Hlapy 2 tawhta Hlapy VCD by Rev. Victor Ve-u
2. Mission Khitlyna VCD by Rev. Rakhai
3. Thina taih Krista Chakaotuh Ngachhihpa Rev. Bietha HLychhoh nata Para KTP taopa Hlapy VCD by Rev. Dr. M Zakonia
4. Asho Biehrai pahnokheina y Rev Sitlo zy a cha.
5. Mission Golden Jubilee Chiamie he Vol 5 taihta ei pangaw papuapa a cha. Editorial Board zy cha Mch. Rohai, Mch. M. Vahnei, Rev. Vazilai nata Rev Pahmo zy ama cha.
6. LTC Magazine chhao he Mission Golden Jubilee alykheina chata eima papua hra.
7. KHD Fund chata KNP zy ta Culture dress eima hneipa pho hlupi ama palasa hra.

Baona eima hmopazy

1. Krizyhpa Pawpy (KPP) Siaha    2000/
2. Dawtlo Chhokha Rs.   1000/
3. Thosai Local Church, ECM    1000/
4. CCIM 50000/
5. MYI 50000/ nata Mara Event taona liata VCD (50)
6. Evan Ebi tawhta 55.7 Million (Lakh 557) chata KTV, Mission soh, Krisma nata Mission filed zy a noh ta a raina dah hawhta piepa a cha.
7. Local Church, Patheitla lata baona piepa zy a y hra. A hropa ei palasa leipa ay khia keima phahlana a cha aw.
8. Kyhchhih chhoh thyupa soh zy dua Tei 4 hlei a cha.
9. Sasa ta Mara Biehrai nata Hlabu Sakha chyu MEC Local Church lata a pie eih.
10. Presbytery No 1 tawhta Mission field la ta Field(7)pazy he Kaobei khua (9) pa Sakha chyu lymâ ama chhai. Hmophataona he b aka ei su!
11. Mission Golden Jubilee chata hmôpa soh zydua nata hraopa zydua deikua pahno byu a chhih kaw. Eima thaza he eima zydua ta pahmao lymâ
12. Mission Golden Jubilee soh pahmaopa zydua tawhta Paletwa liata KEA Office, Sabyhpi liata Mission Quarter, Patheitla liata Jubilee Quarter zy he o ta aypa chata a hropa hmo didiahpa zy chhao a y holo ama tah.

Jubilee Kyhchhih a hmâpa zydua

1. Khichhai maluh zydua 2750 hlei o tlo raina liata list pangiapa dei ta
2. Khichhoh maluh zydua    500 hlei chata Jubilee kyhchhih he Maluh 3000 hlei ta Abeipa eima palyupali tah awpa a cha.

Malu 3000 hlei liata Mission chakaona su la tawhta 300 hlei ama kaw tlo thei.

Patheitla Local Church zy byhnama tona

Patheitla Local Church, MEC ta kyhchhih a chhuahdypa vata Kovie a pha ama tah. Ody to ta poh laloh (Blanket) kawpa khichhai to ta ama pie theipa he a rohna hmeiseih. Ama piepasaina he Khazohpa ta byhna a pie cheingei aw. Ama o lyu sana nata taona he a pha hmeiseih.

A vaw hlaotheihpa râh nata Localzy

1. MEC, Indianapolis Local Church, USA
2. MEC, Melbourne, Australia, MECA
3. MEC, Local Church, Malaysia
4. MEC, Local Church, Singapore
5. Mathew Lutheran Church, Australia
6. Evangelical Church of Maraland tawhtapa zy
7. MADC : Motor Lapi he a daihhti liata hma thei awpa ta zy mia taopa eih ta eima ly kaw
8. CCIM, Saikao, India
9. Mission Field (7) tawhta
10. LTC tawhta
11. MEC Local Church rahchhoh, khihpi local tawhtapazy

Ama hriapasa kaw

Mission Golden Jubilee chata soh nata hneina, thlahchhana a pahraopa zydua eima chaly hmeiseih. Khazohpa ta byhna tlao cha vao hri mawh ei sy! Ngiapâtuhpa Awnanopa sahlao eima zydua eima hriapasa chyupa vata hlao tlo theipa a cha. Paletwa Local Church nata Salyu Local Church khichhai tlona sie vawna ama patohpatiahpa hela aly leitheipa cha vei. Mission Golden Jubilee vata eima zydua hriapasa chyu pita eima zydua Khazohpa ta tlao mia a thei chyu mawh sy!

Alyna bie hlâna nata pachhana

Marasaw ahy hma ta kyhchhih chhoh paripa ta hmôpa y vei. A rohnah ei ta kaw. Security ta a chakaotuhpa MTP sahlao nata Steward zy chhao nata chyhsa to ta azi paloh phao ta ama thaza nata ama soh-na pachhihpa ta ama chakao chyupa hmô nata ei ly via pachai heih. Jubilee ahmâna Burie he ngiaryh chhihkawpa ta Mch. Zasaw chhithapa ta ama taopa he pha ei ta hmeiseih. Noh tato ta Jubilee Chiamie papuapa chata apha kaw. Editorial Board zy lâta eima lyna thata a cha hra. Jubilee Chiamie he eima rei pazao lymâ awpa a pha hmeiseih. Jubilee chata a vaw piepasaipa nata a vaw tlôpa thlah chhapa nama zydua vata kyhchhih he a hlao tloh kawpa ta pachhapa chata eima cha ly hmeiseih. Khazohpa ta byhna cha pie lymâ chyu mawh ei se! Mission Golden Jubilee khô la taih chhao ta eima chakaona patheipa ta hmia to lymâ sila eima thaza zydua pahmaopa ta Abeipa chakao hei ei su.